МАЖАКЫПОВ
МАЖАКЫПОВ Тажыбай (1906, азыркы Ош обл., Ноокат району, Караван кыш. - 1985, ошол эле жер) - тамеки өстүрүүчү, Социалисттик Эмг.
Баатыры (1950). Коллективдештирүү убагында колхозго биринчилерден болуп кирип, алгач колхозчу, 1936- жылдан тамеки өстүрүүчүлөр бригадасынын бригадири болуп иштеген. 1949-жылы ал башкарган бригада 16 га жердеги тамекинин ар гектарынан 19,34 цден түшүм жыйнап алган. Ленин ордени менен сыйланган.