«МУСА Баетов» барагынын кодун көрүү

<p><strong data-text-type="type_1_article_title">МУСА </strong>Баетов (1902, азыркы Нарын обл., АкТалаа р-ну, Байгөнчөк кыш. - 9. 5. 1949, Фрунзе) - ырчы, обончу, Кыргыз ССР эл арт. (1939). Нарын ш-дык радиосунда (1931- 34), Кыргыз <abbr data-short="мамл." data-full="мамлекеттик" data-extended="true">мамлекеттик</abbr> филармониясында (1936-49) солист болуп иштеген. Тубаса мукам үнү <abbr data-short="м-н" data-full="менен" data-extended="true">менен</abbr> жаштайынан элдик ырларды («Сары-Ой», «Жароокер», «Арпанын Ала-Тоосунан», «Ак Зыйнат») чебер аткарган. М. жө-</p><p>[[File:МУСА_1.jpg|thumb]]нөкөй аткаруучудан профессионал опералык ырчыга чейин өсүп, «Манас» операсында Алмамбет <abbr data-short="м-н" data-full="менен" data-extended="true">менен</abbr> Сыргактын, «Айчүрөктө» Күлчоронун партияларын ырдаган. Ал таланттуу обончу да болгон. Алгачкы обондору («Даанышман», «Ойгоном») элдик ырлардын духунда жаралса, кийинки чыгарган обондорунан («Эр Панфилов», «Майдангачыкты маршалдар», «Бакыт», «Туткун ыры» ж. б.) анын <abbr data-short="чыг-лыг" data-full="чыгармачылыг" data-extended="true">чыгармачылыг</abbr>ына профессионал музыканын таасири тийгени байкалат. «Окудум борбор шаарынан», «Сагынам», «Кыздар ай», «Алма алам» деген ырлары өзгөчө көркөмдүк сапатка ээ. М. комузда, домбрада, гармондо эркин ойной билген, ырларын ошол аспаптардын коштоосу <abbr data-short="м-н" data-full="менен" data-extended="true">менен</abbr> аткарган. М. «Сарт калмак», «Кургур ай», «Ох-хой», «Ак-Сайдын күйгөнү», Боогачынын «Үкөй», Эсенаалынын «Ойтобо», Токтогулдун «Кербезим», «Келгендеги кербезим», Атайдын «Ой булбул» ж. б. элдик <abbr data-short="ж-а" data-full="жана" data-extended="true">жана</abbr> автордук ырларды зор чеберчиликте аткарган. М-нын аткаруусундагы элдик <abbr data-short="ж-а" data-full="жана" data-extended="true">жана</abbr> залкар обончулардын ырларын музыка изилдөөчүлөр А. Затаевич, В. Виноградов нотага түшүргөн. Музыка изилдөөчү Б. Алагушов М-нын «Арпанын Ала-Тоосунан» (2002) аттуу обондуу ырларынын жыйнагын түзүп, жарыкка чыгарган. <abbr data-short="О. Азия" data-full="Орто Азия" data-extended="true">Орто Азия</abbr> <abbr data-short="ж-а" data-full="жана" data-extended="true">жана</abbr> Казакстан ырчыларынын конкурсунда М. биринчи байгени алган (1944). М-нын ысмы Нарындагы <abbr data-short="мад-т" data-full="маданият" data-extended="true">маданият</abbr> үйүнө, Бишкек ш-ндагы көчөгө, Ак-Талаа р-нунун борборуна, туулган жериндеги мектепке берилген. Эмгек Кызыл Туу, «Ардак Белгиси» ордендери <abbr data-short="ж-а" data-full="жана" data-extended="true">жана</abbr> медалдар <abbr data-short="м-н" data-full="менен" data-extended="true">менен</abbr> сыйланган.</p>

[[Category:5-том,_401-500_бб]]