«КОНАКРИ» барагынын кодун көрүү

<b type='title'>КО&#769;НАКРИ</b> – Гвинея Республикасынын борбору. Административдик жактан өзгөчө зонага бөлүнгөн. Өлкөнүн батыш бөлүгүндө, Атлантика океанынын жээгинде, Томбо аралында (материк м-н дамба аркылуу бай&shy;ланышат) ж-а Калум жарым аралында жайгашкан. Кал&shy;кы 1,8 млн (2008). Эл аралык аэропорту бар. Деңиз порту. Шаар 1884-жылы француздар тарабы&shy;нан негизделген. 1895–1958-жылдарда Француздук Гви&shy;неянын, 1958-жылдан көз каранды эмес Гви&shy;нея Республикасынын административдик борбору. Учурда өлкөдөгү ири шаар ж-а негизги порт (дээрлик сырткы соода жүргүзүлөт). Конакри – Гвинеянын ири өнөр жай борбору. Тамак-аш (анын ичинде жемиш ширелери ж-а суусун&shy;дуктар, консервалар, өсүмдүк майлары, пиво), химия (ацетилен, пластмасса буюмдары), тек&shy;стиль, жыгаччылык, эмерек, тамеки өнөр жай ишка&shy;налары, кыш заводу иштейт. Университет, политехникалык институт (Батыш Африкадагы эң ири), улуттук китепка&shy;на, улуттук музей (экспонаттардын бай кол&shy;лекциясы), улуттук искусство мектеби (1966) бар. Конакриде 1970-жылдан улуттук фестивалдар (искусство ж-а маданий) өткөрүлүп турат. Шаарга жа&shy;кын жерден темир, боксит ж-а гранит казылып алынат.
[[Категория:4-том, 353-402 бб]]