«КОМИ-ПЕРМЯК АВТОНОМИЯ ОКРУГУ» барагынын кодун көрүү

<b type='title'>КОМИ-ПЕРМЯК АВТОНОМИЯ ОКРУГУ</b> Россия&shy;нын курамындагы административдик-аймактык бирдик. 1925-жылы 26- февралда Урал, 1935-жылы Свердлов, 1938-жылдан Пермь облусунун курамына кирген. Кама дарыясынын жогору жагында, Урал алдында жайгашкан. Аянты 32,9 миң <i>км</i><sup>2</sup>. Калкы 106,7 миң (2019).<br>Административдик-аймактык жактан 6 районго, 1 шаарга, 3 шаар&shy;чага бөлүнөт. Борбору – Кудымкар шаары. Приволжье федерация округуна кирет. Авто&shy;номия округдун шайлоочулары Пермь облусунун шайлоосуна катышууга акылуу. 2007-жылдан Коми-Пермяк округу болуп кайрадан түзүлүп, Пермь об&shy;лусунун курамына өзгөчө административдик-аймактык бирдик бо&shy;луп кирген.<br>Калкынын негизин коми-пермяктар (60,2%) түзөт, ошондой эле орус ж. б. улут өкүлдөрү да жа&shy;шайт. Динге ишенгендери православныйлар, эски каада-салтты туткандар ж-а протестант&shy;тар да бар. Орточо жыштыгы 1 <i>км</i><sup>2 </sup>жерге 4,4 киши. Шаар калкы 26,5%. Табияты калктын жашоосуна орточо жагымдуу. Экологиялык абалы канааттандырарлык. Январдын орточо температурасы –15°Сден –17°Сге чейин, июлду&shy;ку 17–18°С. Жылдык жаан-чачыны 500 <i>мм</i>ге жакын. Башкы дарыясы – Кама (кеме жүрөт). Аймагынын <sup>4</sup>/5  бөлүгүн тайга ээлейт. Региондун дүң продукциясынын көлөмү 2443,3 млн рубль. Андагы өнөр жайдын үлүшү 19%, айыл чарбасыны&shy;кы 39,4%. Токой (өнөр жай өндүрүшүнүн 51,4%и) өнөр жай комплекси өнүккөн. Ошондой эле жыгаччылык, тамак-аш (30,3%), электр энергетика (5,8%) өнөр жай ишканалары иштейт. Айыл чарбасына жарактуу жери 132 миң <i>га</i>, анын ичинен 115 миң <i>га</i>сы айдоо аянты. Эт-сүт багытындагы мал чарбачылыгы өнүк&shy;көн. Дан эгиндери (кара буудай, буудай, арпа) айдалат. Округдун түндүгүндө териси баалуу ай&shy;банаттар асыралат.<br>Темир жол жок. Автомобиль жолунун узундугу 1690 <i>км</i> (анын ичинен асфальтталганы 335 <i>км</i>). Пожва ж-а Май&shy;коп шаарчаларында дарыя порту, Кудымкарда аэропорт бар. Округда жалпы билим берүүчү 154 мекеме, 9 башталгыч ж-а атайын окуу жайы, 2 ЖОЖ (анын ичинде Удмурт университетинин филиалы), театр, улуттук маданий борбор, 3 музей (анын ичинде край таануу) иштейт.


Ад.: Коми-Пермяцкий Автономный облус//Россия. М., 2004; Большая Российская энциклопедия. Том 14. М., 2009. 
<p align='right'><i type='author'>Т. Чодураев.</i></p>
[[Категория:4-том, 353-402 бб]]