МЭЭЛЕЙ

МЭЭЛЕЙ, к о л к а п — колго кийилчү кийим. Жүндүү териден, жаргактан, булгаарыдан, таар­дан, калың ноотудан бармагынан башкасы туюк же салаалуу (беш салаа) жасалат, ошондой эле жүн, кебез, тыбыт, жибек жиптерден эки, үч, беш салаа чыгарылып токулат. Булгаары, нооту жана сокмо М-лер сууктан колду сактоо үчүн, ал эми тери, жаргак, таар М-лер колду механикалык таа­сирлерден сактоо үчүн, жалаң кат булгаары жана жибек М-лер сулуулук үчүн кийилет. Электр тогунан же уулуу заттардан сактануу максатын­да резинадан жасалган М-лер да бар.