МАГНЕТИЗМ

МАГНЕТИЗМ - 1) магниттик моментке ээ электр тогу бар өткөргүчтөрдүн же магниттер­дин өз ара жана бири-бири менен магнит талаасы аркылуу өзгөчө аракеттешүүсү; 2) физиканын электр тогу өтүп жаткан ар кандай өткөргүч­төрдүн айланасындагы магнит талаасын, тогу бар өткөргүчтөрдүн жана магниттердин өз ара жана бири-бири менен аракеттенишүүсүн, магнит та­лаасындагы зарядцалган бөлүкчөлөрдүн кыймы­лын, алардын бири бири менен аракеттенишүүсүн жана магниттик кубулуштар байкалуучу заттар­дын касиеттерин окуп-үйрөтүүчү бүлүгү. Электр талаасын пайда кылуучу булак (заряд) өицүү за­ряд магнит талаасында жок. Ал төмөнкү учур­ларда пайда болот: а) заряддалган нерселер кый­мылдаганда; б) электр тогунун айланасында; в) өзгөрмө электр талаасынын айланасында. Калган талаалар сыяктуу эле магнит талаасы да материянын жашоосунун өзгөчө түрү. Маг­нит талаасынын булагы жок болгондуктан, ал куюндуу талаа болуп эсептелет. Ошондуктан электр жана магнит талаалардын ортосунда сим­метриялуулук жок.