ЛЕКСИКАЛЫК МААНИ
ЛЕКСИКАЛЫК МААНИ - бүтүндөй бир сөз топторуна же сөз категорияларына таандык болгон грамматикалык мааниден айырмаланып, жеке бир лексикалык бирдикке гана таандык маани. Толук маанилүү сөздөрдүн көбүнүн лексикалык мазмуну бирдей даражада болбойт. Ошого жараша алар өзүнчө маанилик структура, өз ара иерархиялык багыныңкы байланыш, б. а. сөздүн лексика-семантикалык варианттарын түзүп турат. Лексикалык семантиканы уюштуруунун бул касиети полисемия же сөздү вариациялоо деп аталат. Сөздүн предметке же түшүнүккө тиешелүүлүгүнө жараша Л. м. т и к е ж-а ө т м ө маани, контекстке көз карандылыгына жараша фразеол. түрмөккө байланышкан, констр-лык жактан шартталган ж-а эркин маани деп бөлүнөт. Л. м. - сөздүн объективдүү бир класска кирген нерселердин башкалардан айырмалап көрсөткөн мааниси. Сөздөрдүн Л. м-синин ар башкалыгына ылайык, бир сөз экинчи бир сөздүн айырмалангандыктан, Л. м. ар бир сөздүн өзүнө тиешелүү мааниси катары каралат. Мис., балапан - куштун же башка канаттуунун баласы ж. б.