КОШ-КАРА-ТАШ

КОШ-КАРА-ТАШ – Ат-Башы районунун аймагы аркылуу аккан суу, Ак-Сайдын сол куймасы. Узундугу 38 км, алабынын аянты 256 км². Ат-Башы кырка тоосунун түштүк капталындагы мөңгү­лөрдөн башталат. Жогорку агымында теп­ши сымал өрөөн м-н түштүк чыгышты карай агып, Ак-Сайга куят. Жылдык орточо чыгымы 0,7–1,1 м³/сек. Эң көп чыгымы июль – август­та, эң азы февраль – мартта байкалат. Апрел­ден сентябрга чейин кирип, октябрдан мартка чейин тартылат. Негизинен кар, мөңгү ж-а булак сууларынан куралат. Алабында жалпы аянты 19,8 км² келген 10 мөңгү бар.