ДӨНӨНБАЕВ

ДӨНӨНБАЕВ Алим (1940-жылы туулган, Чүй облусу, Кемин району, Кичи-Кемин айылы) – саясат таануучу, саясат таануу илимдеринин доктору (2006), профессор (2000). 1964-жылы В. И. Ленин атындагы Ташкент мамлекеттик университетин бүткөн. КРдин билим берүүсүнүн эмгек сиңирген кызматкери. 1968–76-жылдары финансы-өндүрүштүк институтунун философия кафедрасынын окутуучусу, улук окутуучусу, 1983–97-жылдары чыгыш таануу бөлүмүнүн секторунун башчысы, этнография бөлүмүнүн илимий кызматкери, экономика жана саясат таануу бөлүмүнүн башчысы, КР УИАсынын чет өлкөлүк саясий-экон. тажрыйбалар институтунун директору, 1997–2000-жылдары КР Президентинин алдындагы стратегиялык изилдөөлөр эл аралык институтунун директору, 2000–08-жылдары Ж. Баласагын атындагы КУУнун алдындагы интеграциялык эл аралык билим берүү программалар институтунун профессору, 2009-жылы Б. Н. Ельцин атындагы КРСУнун эл аралык мамилелер кафедрасынын башчысы. «Эл аралык мамилелердин саясий маданияты» теориялык концепциясынын автору. 175тен ашуун илимий жана методикалык эмгектин (анын ичинде 10 монография, 4 окуу китеби) автору.

Эмг.: «Международные отношения и политическая культура» (2002); «Нация государство» и политическая культура» (2002); «Кыргызстан. Политическая культура. Человек и государство» (2002).