БАЗАР-КОРГОН

БАЗАР-КОРГОН ‒ Жалал-Абад облусундагы шаар. Базар-Коргон районунун жана айыл аймагынын борбору. Кара-Үӊкүр суусунун боюнда, деӊиз деӊгээлинен 735 м бийиктикте, Бишкек ‒ Ош автомобиль жолунун жээгинде жайгашкан. Облустун борбору жана темир жол бекети Жалал-Абад шаарынан 33 км батыш тарапта. 1950-жылы негизделген. Калкы 59 152 (2022). Кыштакта 2 техникалык сервис, 3 пахта, май, нан, тамеки заводдору, лимонад чыгаруучу цех, жыгаччылык, кийим тигүү ишканалары, медресе, 2 базар, ашкана, чайкана, кафе, ресторан иштейт. Кесиптик-техникалык окуу жайы, 7 орто, музыкалык, спорт мектептери, 3 маданият үйү, 6 бала бакча, китепкана, сүт азык ашканасы, борборлоштурулган оорукана, 2 бейтапкана, 2 мечит, автобекет, 2 почта, байланыш бөлүмү ж. б. бар. Улуу Ата Мекендик согушта курман болгондорго эстелик тургузулган. Шаарда Социалисттик Эмгектин Баатыры А. Худайбердиев туулган.