АФРИКА ТИЛДЕРИ

АФРИКА ТИЛДЕРИ‒ Африка континентинде жашаган жергиликтүү калктардын тилдери. Ага көптөгөн топ жана майда топчолордон турган тилдер кирет. Ал семит-хамит же афразия тобундагы тилдер деп да аталат. Мисалы, семит тобунда: араб, бербер, кушит, хауса тобу сыяктуу 4 чоӊ топ бар; араб тилинде: Сауд Аравиясы, Араб Республикасы (Египет), Судан, Марокко, Алжир, Тунис, Ливия, Батыш Сахара (хасаний), Аравия жарым аралында жана Амхара, Тигра, Тиграм, Мавритания, Чад Республикасында калктар сүйлөшөт. Бул 4 тилдик топтордун бир нече топчолору бар. Бербер тобунда ‒ 6, кушит тобунда ‒ 12, хауса тобунда ‒ 8 топчолору, Бантуда ‒ 83 топ жана топчолор, Мандеде ‒ 10, Борбордук жана Чыгыш Судандагы тилдерде ‒ 17, Нилотто ‒ 19 топ жана топчолор жашайт. Топ жана топчолордун ичинде да көптөгөн диалектилик, говорлук бөлүкчөлөр бар. Малай-Полинезия тобун индонезиялык тилдик топтор түзөт. Африка континентинде индевропалык тилдерде африкаонерлер (метистер) жана англис, испан, португал, француз, хинди, гуджарат тилдеринде сүйлөгөн элдердин тилдик топтору бар.
Ад.: Африканское языкознание. М., 1963; Дюбуа У., Африка. Очерк по истории африканского континента и его обитателей. М., 1961; Численность и расселение народов мира. под ред. С. И. Брука. М., 1962; Атлас народов мира. М., 1964.