АФИНА

АФИНА, А ф и н а П а л л а д а ‒ байыркы грек мифологиясындагы акылмандыктын жана адилет согуштун пири. Миф боюнча Афина туулга, соотчон Зевстин башынан чыккан. Ал Афиндер шаарынын колдоочусу катары эсептелген жана анын урматына Панафиней майрамы өткөрүлүп турган.

«Найзага сүйөнгөн Афина». Афины акрополуна тартылган сүрөт. Мрамор. биздин заманга чейин 460-жыл Акрополь музейи.

Гомердин чыгармаларында, айрыкча «Одиссеясында» Афинанын акылдуу жана эр жүрөк Одиссейди, ошондой эле грек-ахейлерди өзгөчө колдогондугу жана троялыктардын душманы катары айтылат. Анын Афины мамлекетинин акылман пири экендиги Эсхилдин «Эвмениддер» трагедиясында чагылдырылган. Римдиктер Афинаны Минерва деп аташкан.