АТ-ЖАЙЛОО МӨҢГҮСҮ

АТ-ЖАЙЛОО МӨҢГҮСҮ ‒ Чоӊ Алай кырка тоосунун түндүк капталындагы татаал өрөөн тибиндеги мөӊгү. Кызыл-Агын суусунун (Кызыл-Суунун сол куймасы) алабында. Узундугу 7,1 км, аянты 17,6 км². Абляциясынын аянты 2,4 км². Мөӊгүнүн башы деӊиз деӊгээлинен 6080 м, этеги 4100 м бийиктикте жатат. Куралуу облусу ‒ Ленин атындагы чокунун түндүктү караган тик капталдуу этеги. «Тилинин» учу (3,6 км²дей жери) морена менен капталган. Мөӊгүдөн Кызыл-Суунун негизги курамынын бири башталат.