АНАТАЗ

АНАТАЗ (грекче anatasis – созуу) – октаэдриттитан кош кычкылынын (Ti0₂) жаратылыштагы үч полиморфтук модификациясынын бири; минерал. Тетрагон сингониясында кристаллданат. Катуулугу Моос шкаласы боюнча 5,5– 6,0°С. Салыштырма салмагы 3,82–3,95. Өңү кара көк, кара күрөң, сары, алмаз сымал жалтырайт. 620–650°С температурага чейин ысытса, рутилге айланат. Анатаз гидротермдик хрусталдуу тарамдарда, метаморфизмделген тоо тектерде, кээде ильмениттин бузулушунан пайда болгон продукт (өнүм) катары жолугат.