АЛЬДОЛЬ КОНДЕНСАЦИЯСЫ

АЛЬДОЛЬ КОНДЕНСАЦИЯСЫ – кислоталардын же щелочтордун катышуусунда альдегиддердин же кетондордун 2 молекуласы кошулуп, курамында альдоль спиртинин тобу бар бирикмелерди пайда кылуучу реакция. Мындай реакциядан 2 молекула уксус альдегиди Альдоль конденсациясы реакциясына кирип, Р-гидроксимай альдегидине (альдолго) айланат: СН₃СН0+СН₃СНО → СНСН(0Н)-СН₂-СН0. Альдегиддерге караганда кетондор альдоль конденсациясы реакциясына начар кирет. Эки молекула ацетондон диацетон спирти алынат: (СН₃)₂СО+(СН₃)₂СО → (СН₃)₂С(ОН)СН₂СОСН₃. Ал химия өнөр жайында бутанолду, 2-этилгексанолду, пентаэритритти ж. б. алууда кеңири колдонулат. Бул реакцияны 1872-ж. немис химиги А. Вюрц ачкан.