АЛЫМКУЛОВ Самсалы Аманович

АЛЫМКУЛОВ Самсалы Аманович (1955-ж. , Чүй областы, Чүй району, Жаңы-Чек кыштагы) – техника илимдеринин доктору (2005). 1978-ж. В. И. Ульянов атындагы Ленинград электротехникалык институтун бүтүргөн. Эмгек жолун ФПИде инженер, улук инженер, илимий кызматкер; Кыргызтелеком ААКтын президенти, И. Разаков атындагы КМТУда профессор, кафедра башчысы, КР УИА улук илимий кызматкер. КРдин Өкмөтүнүн алдындагы комиссияда башкы адис. "Кыргызтелеком" АКнын биринчи президенти (1997--99), КРдин биринчи вице-премьер-министринин, Транспорт жана коммуникация министринин кеңешчиси (2001–2005). Алымкулов 178 илимий эмгектин автору, 5 монография, 4 патенттин автору.