АЛЫМКОЖОЕВ Асанбек Тунгучпаевич

АЛЫМКОЖОЕВ Асанбек Тунгучпаевич (11. 4. 1956-жылы туулган, Чүй облусу, Сокулук району, Сарбан айылы) – генерал-майор (2004). Алматы командалык жогорку аскер окуу жайын (1977), М. В. Фрунзе атындагы аскердик академияны (1985), офицерлердин борбордук курсун (1989), РФдин Куралдуу Күчтөрүнүн Башкы штабынын аскердик академиясын (2003) бүткөн.

1981–2006-жылдары Түркстан аскердик округунда полктун начальниги, штабдын начальнигинин орун басары, аскердик бөлүктүн командири, 2006–09-жылдары КРдин Улуттук Гвардиясынын командачысы, 2009–10-жылдары КРдин Баткен облустук мамлекеттик администрация башчысынын орун басары, 2013–14-жылдары КР Коргоо министрлигинин алдындагы Улуттук гвардиянын командачысы, 2014–15-жылдары Кыргызстан Куралдуу күчтөрүнүн Генералдык штабынын начальниги болуп иштеген. Кызыл Жылдыз, 2- жана 3-даражадагы Манас ордендери менен сыйланган.