АЛГЕБРАЛЫК ИЙРИ СЫЗЫК

АЛГЕБРАЛЫК ИЙРИ СЫЗЫК ‒ өлчөмү 1ге барабар болгон алгебралык көп түспөлдүүлүк . Эӊ жөнөкөй анын ичинде сызык катары жалпак аффиндик ийри сызыкты түшүнсөк болот. Жалпак аффиндик анын ичинде сызык аффиндик $A_{k}^{2}$ тегиздигинде f(x,y) теӊдемесин канааттандырган чекиттердин көптүгү. Мында f(x,y) коэффициенттери алгебралык туюк k-талаасында жаткан көп мүчө. Аффиндик ийри сызыктарды изилдөөдө топологиялык ыкмаларды колдонобуз, башкача айтканда алгебралык аффиндик ийри сызыкты Pⁿ проективдик мейкиндигине туюктоо менен камтып, аны Зарисскийдин топологиясы менен жабдыйбыз. Бул учурда проективдик X ийриси пайда болот жана баштапкы аффиндик Ю ийри сызыгы Xтен чектүү сандагы чекиттерди алып салуу менен алынат. Ошентип аффиндик ийри сызыкты изилдөө проективдик ийри сызыкты изилдөөгө алып келет.

Ад.: Шафаревич И. Р. Основы алгебраической геометрии. М., 1972; Уокер Р. Алгебраические кривые. М., 1952; Мамфорд Д. Лекции о кривых на алгебраической поверхности. М., 1968.
А. А. Чекеев, С. С. Токсонбаев.