АКЕДИЛ

АКЕДИЛ, Агизель, Белая – негизинен Башкырт Республикасынын аймагы аркылуу аккан дарыя. Каманын сол куймасы. Узундугу 1430 км, алабынын аянты 142 миң км². Жогорку агымы Түштүк Урал тоолору, Уфа дарыясына куйгандан кийин түздүк боюнча агат. Суусунун орточо чыгымы 970 м³/сек. Ноябрдын 2‑декадасынан апрелдин жарымына чейин муз каптап жатат. Уфадан кеме жүрөт. Жээгинде Белорецк, Салават, Ишимбай, Стерлитамак, Уфа, Бирск шаарлары жай­гашкан.