АДЫРГЫ

АДЫРГЫ – өрмөк согууда колдонулуучу аспап. Узундугу 40–50 см, жазылыгы 15–18 см, калыңдыгы 3–6 см, баш‑аягы бирдей, эки кыры жукарты­ла жумурланган жалпак тактай. Эки четинин ортосунда сабоонун ичке жагы өтүп, жоон башы такалып калгандай эки көзөнөгү болот.

Күзүк­түн жардамы менен Адыргы аркылуу өрмөктөгү эриш жиптердин астыңкы жарымын үстүнө, үстүңкү жарымын астына өткөрүп, ар бир өтүшүндө ар какты эриштердин арасына кысып калтырып турат. Кубаттуу, өндүрүмдүү өрмөк станоктору чыкканы кыргыздын кол өрмөгү пайдаланыл­бай, учурда Адыргы өтө сейрек кездешет.