АГВАН ЖАЗУУСУ

АГВАН ЖАЗУУСУ – байыркы орто кылымдардагы Кавказ-Албания мамлекетинин жазуусу. Жазма маалыматтары 5–9-кылымга таандык. Агван тамгасы (же Кавказ Албаниясынын жазуусу) – бул азыркы Азербайжан жана Түштүк Дагестан аймагындагы Чыгыш Закавказьедеги Кавказ Албаниясынын орто кылымдагы мамлекетинин жазмасы. Алфавит 1937-жылы 15-кылымдагы армян кол жазмасында табылган. Кийинчерээк табылган булактарга таянып, жазууну чечмелөө 2009-жылы жарык көргөн. Илимпоздор Нах-Дагестан тилдеринин лезгин подгруппасынын азыркы Уди тилин Агван тилинин тукуму деп эсептешет.