«АЛА-ТОО» БАСМАСЫ

«АЛА-ТОО» БАСМАСЫ ‒ Кыргызстанда мезгилдүү басма сөздү басып чыгаруучу мекеме. Ал Кыргыз АССРинин Эл комиссариатынын 1934-жылдын 23-октябрындагы токтомуна ылайык «Кызыл Кыргызстан» басмасы болуп түзүлгөн. 1956-жылдан баштап «Советтик Кыргызстан», 1960-жылы «Ала-Тоо» басмасы деп аталган. Уюштурулган мезгилден бери республикадагы бардык газеталарды жана «Ала-Тоо» жана башка журналдарды чыгарып турган. 1972-жылы «Кыргызстан КП БКнын басмасы» түзүлгөндө, газета-журналдарды чыгаруу иши экиге бөлүнүп, бул басма «Ала-Тоо», «Литературный Кыргызстан» журналдарын, «Кыргызстан маданияты» жумалыгын жана башка басылмаларды чыгарган. 1998-жылы жоюлган.