БЕЛОВЕЖА МАКУЛДАШУУСУ

БЕЛОВЕЖА МАКУЛДАШУУСУ – 1991-ж. 8-декабрда Беловежа токоюндагы (Беларуссия) «Вискули» өкмөттүк резиденциясында Россиянын жана Украинанын Президенттери Борис Ельцин менен Леонид Кравчук, ошондой эле Беларуссиянын Жогорку Советинин төрагасы Станислав Шушкевич тарабынан кол коюлган келишим. Беловежа макулдашуусу СССРдин эл аралык укуктун субъектиси катары өз жашоосун токтоткондугу жнүндө билдирген жана Көз карандысыз Мамлекеттер Шериктештигинин түзүлгөндүгү жарыяланган.