АКЕДИЛ

АКЕДИЛ, Агизель, Белая – негизинен Башкырт Республикасынын аймагы аркылуу аккан дарыя. Каманын сол куймасы. Уз. 1430 км, алабынын аянты 142 миң км². Жогорку агымы Түш. Урал тоолору, Уфа д‑на куйгандан кийин түздүк б‑ча агат. Суусунун орточо чыгымы 970 м³/сек. Ноябрдын 2‑декадасынан апрелдин жарымына чейин муз каптап жатат. Уфадан кеме жүрөт. Жээгинде Белорецк, Салават, Ишимбай, Стерлитамак, Уфа, Бирск ш. жай­гашкан.