АБРАЗИВДҮҮ АСПАПТАР

АБРАЗИВДҮҮ АСПАПТАР (лат. abrasivus кырып-жонуучу) – катуу материалдарды жана пластмассаны иштетүүдө колдонулуучу абразивдүу материалдардан (өзгөчө бышык, катуу заттардан) жасалган жабдыктар. А. а. к а т у у (жылмалоочу тегерек, бөрк, сегмент, кайрак) жана ийилчээк (жануур, тасма ж. б.) болуп бөлүнөт. А. а. негизинен электркорунд, кремний карбиди, жасалма жана табигый алмаздан жасалып, алардын кесүүчү абразивдүү бүртүкчөлөрүн бириктирүүдө чопо, бакелит, силикат, магнезий пайдаланылат. А. а-дын 12 миңге жакын түрү чыгарылат. Аларга кошулган алмаздын өлчөмү (1 мм³ көлөмдөгү алмаз) – анын негизги көрсөткүчү. Алмаз 100% кошулганда, 1 мм³ катмарда 0,878 мг алмаз болот. Мис., жыл малоочу тегерек жасалчу курамга 25– 200% ке чейин алмаз кошулат.