АРГОН

АРГОН (лат. Argon), Аг – элементтердин мезгилдик системасынын VIII тобундагы хим. эле­мент; инерттүү газ. Катар н. 18, ат. м. 39,948. Үч изотобу бар: Аг³⁶ (0,337 %), Аг³⁸(0,063 %), Аг⁴⁰ (99,600 %). Сырткы электрондук конфигурациясы 3s² Зр⁶. А. инерттүү газдардын ичинен эң көп таралганы; атм-да көлөмү б-ча 0,933%. Молекуласы бир атомдуу, түссүз, жытсыз. Кайноо t -185,29°С, тыгыздыгы 0,001784 4 г/см³. Орг. эритмелерде сууга караганда жакшы эрийт. 1894-ж. Дж. Релей жана У. Рамзай ачкан. А. абаны өтө муздатып бөлүүдөн алынат. Байытылган А. аралашмасынын курамында 40% ке жакын кычкылтек болот. Аны бөлүүчү аспаптан өткөргөндө 95%түү А. алынат. Андан ары тазалоо гидриддөө, адсорбциялоо ж. б. жол менен ишке ашат. А. металлургияда, металл иштетүүдө, жарым өткөргүч аспаптарды даярдоодо, хим. синтезде, люминесценттик лампаларда, ядролук техникада ж. б. кеңири колдонулат.