АЛЫМКОЖОЕВ Асанбек Тунгучпаевич

Асанбек Тунгучпаевич (11. 4. 1956-ж. т., Чүй обл., Сокулук р-ну, Сарбан айылы) – генерал-майор (2004). Алматы командалык жогорку аскер окуу жайын (1977), М. В. Фрунзе атн. аскердик академияны (1985), офицерлердин борб. курсун (1989), РФдин Куралдуу Күчтөрүнүн Башкы штабынын аскердик академиясын (2003) бүткөн.

1981–2006-ж. Түркстан аскердик округунда полктун начальниги, штабдын начальнигинин орун басары, аскердик бөлүктүн командири, 2006–09-ж. КРдин Улуттук Гвардиясынын командачысы, 2009–10-ж. КРдин Баткен облустук мамл. администрация башчысынын орун басары, 2013–14-ж. КР Коргоо министрлигинин алдындагы Улуттук гвардиянын командачысы, 2014–15-ж. Кыргызстан Куралдуу күчтөрүнүн Генералдык штабынын начальниги болуп иштеген. Кызыл Жылдыз, 2- ж-а 3-даражадагы Манас ордендери м-н сыйланган.