АНИМАЦИЯ

(Animation) – графиктик сүрөттөлүштөрдү кыймылдатуу, жылдыруу. Ал негизги графиктик сүрөттөлүштүн жөнөкөй кыймылынан майда-чүйдөсүнө чейинки комплекстүү

кыймылынын татаал процесстерин түзүүгө жөндөмдүү. «Шрек», «Подводная братва» кинолору ж. б. тартылган мультфильмдер, жүгүртмө саптагы (бегающая) жарнамалар А-нын эң жакшы мисалдары. Мультимедиа колдонмолорунда А. текст м-н графикке караганда маалыматты ачыгыраак көрсөтөт. Жаңылыктардагы же спорттогу эсеп тексттери да кыймылдатылып көрсөтүлөт ж-а ал тармак оюндарынын (сетевой оюндар) көбүндө колдонулат.