АКВАРИУМ БАЛЫКТАРЫ

– кооздук ж‑а изилдөө максатында суу толтурулган атайын айнек идиште (аквариумда) багылуучу майда балыктар. А. б‑нын дене уз. 1,5‑30 см. Көпчүлүгү майда, түркүн түстүү, кооз. А. б. Африка, Амери­ка, Азияда, тропик ж‑а субтропик жылуу, шор эмес сууларда кездешет. Алардын каңылтыр, алабуга сымал урук таштоочулары ж‑а тирүүлөй туучу түрлөрү бар. Бул балыктарды багуудагы байкоолор ген., биохим. ж‑а бионикалык изил­дөөлөр үчүн чоң мааниге ээ. (Сүрөтү 212‑бетте).