АШУРА

 ‒ 1) алгач Мухаммед тарабынан иудейлерден кабыл алган 10-мухаррам (мусулман

календарынын 1-айы) күнүндө орозо тутуу; кийин рамазан айында сөзсүз түрдө орозо тутуу киргизилгенден кийин А-да орозо тутуу ар кимдин өз эрки болуп калган. 2) Шиит имамы ал-Хусейин ибн Алинин эскерип аза күтүү күнү. Бул күнү, б. а. 680-ж. 10-октябрда (хижранын 61-ж-нын 10-мухаррамасында) Кербелдин алдындагы салгылашууда имам ал-Хусейин, анын бир тууганы Аббас ж-а 70 жөкөрү кыйнап өлтүрүлгөн. Жыл сайын эскерүү иретинде Иран ж-а Иракта мечит, медреселерде, жыйындарда ал-Хусейин ж-а анын курман болгон жакында ры тууралуу баяндар окулуп, көчөлөрдө жүрүштөр (катышуучуларынын айрымдары өздөрүн ургулап, денесине залакат келтиришет) өткөрүлөт. Сунниттер бул аза күтүү күнүн шииттер ден айырмаланып, тынч өткөрүшкөн.