ИСРАИЛОВ

Улан Жумабекович (10. 19. 1973-ж., Фрунзе ш.) –  милициянын генерал-майору (2017). 1995-ж. СССР ИИМдин Омск жогорку мектебин бүтүргөн. 1995–99-ж. Бишкек ш-нын Свердлов р-ндук ички иштер бөлүмүндө оперуполномочен, 2004–05-ж. КР ИИМдин ДССУнун милиция полкунда взвод командири. 2005-ж. КР ИИМдин ДССУнун милиция полкунда батальондун коопсуздук б-ча инспектору, 2005–08-ж. КР ИИМдин шаардык ички иштер бөлүмүндө полктун атайын ротасынын коопсуздук б-ча инспектору. 2008-ж. КР ИИМдин ГУГСКОнун милиция полкунун атайын ротасынын командиринин орун басары, КР ИИМдин ГУГСКОнун тейлөө бөлүмүнүн инспектору, 2011–13-ж.  КР УКМКнын 9-кызматынын контракттык кызматкери, 2013–14-ж. Бишкек ш-нын Свердлов р-ндук ички иштер башкармалыгынын башчысы, 2014–16 ж. КР ИИМдин 7-(жашыруун) башкармалыгынын начальниги, 2016-ж. КР УКМКнын Коррупцияга каршы күрөшүү кызматынын директору, 2016–18-ж. КРдин Ички иштер министри болуп иштеген.