АЛА-БУКА ЧОПО КЕНИ

АЛА-БУКА ЧОПО КЕНИ Жалал-Абад облусунун Ала-Бука районунда, Ала-Бука кыштагынан 10 км түндүк-чыгышта, деӊиз деӊгээлинен 1180‒1200 м бийиктикте. 1987-ж. геологиялык чалгындоо иштери жүргүзүлгөн. Жогорку төртүнчүлүк мезгилинде пайда болгон кумайлуу топурак саргыч боз түстө, көзөнөктүү, борпоӊ. Топурак катмарынын калыӊдыгы 30 мге чейин, казып билинген калыӊдыгы 11 м. Кумайлуу топуракка 30%тен 40%ке чейин Кызыл-Ата чопо кенинин чопосун кошсо «100» маркадагы карапа кирпич алууга болот. Запасы А категориясы боюнча 349 миӊ м³, В ‒ 714 миӊ м³, С₁ ‒ 3143 миӊ м³, А+В+С₁ ‒ 4206 миӊ м³.