БАБКИН

Михаил Николаевич (22. 1. 1922, Воронеж обл., Аннинский р-ну, Старая Тайга кыш. ‒ 8. 12. 1959) ‒ учкуч, авиациянын майору, Сов. Союз. Баатыры (1945). 1941-ж. Көк-Жаӊгак ш-нан аскерге чакырылып, 1943-ж. Чкалов аскердик авиация мектебин бүтүргөн. Улуу Ата Мекендик согушта 1943-ж. июлдан штурмалоочу Кызыл Туулуу Волковыск 198-авиация полкунун курамында Беларуссияны бошотууга катышып, Польша жана Чыгыш Пруссия аймактарын да салгылашкан.

Бул салгылашууларда 145 жолу согуштук учуу жасап, душмандын 85 автомашинасын, 8 самолётун, 5 зениттик жана согуштук артиллериясын, о. эле күйүүчү май, ок-дары сакталган складдарын талкалап, керектен чыгарган. Согуштан кийин Сов. Армиянын катарында кызмат өтөөнү улантып, аскердик кызмат учурунда авиац. катастрофадан курман болгон. Анын ысмы Жалал-Абад ш-ндагы мектепке жана көчөгө ыйгарылган. Эки Ленин, төрт Кызыл Туу, Кызыл Жылдыз ордендери жана медалдар менен сыйланган.