АЗОР АРАЛДАРЫ

АЗОР АРАЛДАРЫ – Атлантика океанындагы 9 жанар тоо аралынан (эң чоңу – Сан‑Мигел а.) ж‑а бир нече рифтен турган архипелаг. Пиреней ж.а‑нан батыш тарапта; Португалиянын автономиялуу району. Батыштан чыгышка карай 644 кмге созулат. Аянты 2,3 миң км2. Калкы 246,7 миң (2011). Рельефи тоолуу; бийикт. 2351 мге (Пику а‑нда) жетет. Фумаролдор, ми­нералдуу ж‑а термалдык булактары бар. Жер титирөө көп болот. Климаты субтропиктик, океандык. Капталдарында субтропиктик тоо токою ж‑а бадалдар (лавр, каштан, арча ж. б.) өсөт. Банан плантациялары, цитрус өсүмдүктөрү, жүзүм өстүрүлөт. Ири шаарлары ж‑а порт­тору: Понта‑Делгада, Ангра‑ду –Эроишму, Орта.