АБДУРАХМАНОВ Мурзалы

(11. 6. 1928, Ош обл., Ноокат р-ну, Меркит-Мүркүт айылы – 5. 4. 2011, Ош ш.) – милициянын генерал-майору (1978), КР ИИМдин эмг. сиң. кызматкери. Кырг-н КП БКга караштуу респ. парт, мектепти (1959), КПСС БК нын Алматы жогорку парт, мектебин (1961), СССР ИИМдин Караганды жогорку мектебин (1976) бүткөн.

1948–69-ж. парт, жетекчилик кызматтарда: Кызыл-Кыя шаараткомунун жооптуу секретары, маданий-агартуу бөлүмүнүн башчысы, Ош обл. маданият башкармалыгынын бөлүм башчысы, партиянын Ош обкомунун инструктору, Көк-Жаңгак шааркомунун 2-, 1-секретары, «Нарын энергокурулуш» башкармалыгынын парткомунун секретары, Кырг-н КП Таш-Көмүр шааркомунун 1-секретары, 1969–83,1990–91-ж. Ош обл. ички иштер башкармалыгынын начальниги, 1983–90-ж. Ош обл. адвокаттар коллегиясынын президиумунун төрагасы, 1991–2011-ж. Ош обл.. ички иштер башкармалыгында ардагерлер кеңешин жетектеген. Кыргыз ССР Жогорку Советинин (1963–67), КР ЖКнын (1990–95) депутаты. Октябрь Революциясы, Эмгек Кызыл Туу, «Ардак Белгиси» ордендери ж-а медалдар м-н сыйланган.