АСКЕРДИК НААМДАР

– аскер кызматчыларынын ж-а аскерге милдеттүүлөрдүн кызматтык абалына, аскердик же атайын даярдыгына, иштеген жылына, куралдуу күчтөрдүн кайсы түрүнө таандыгына, аскерлердин түрүнө ылайык ар бирине жекече берилет. А. н. – өздүк курамдын аскердик кызматты өтөөсүн, кадрларды жайгаштыруунун, алардын туруктуу кызматтык-укуктук абалын туура уюштуруунун маанилүү шарты. Алар аскер кызматкерлер арасындагы өз ара мамиледе улуулукту, аскер кызматынын мөөнөтүн ж-а запастагы абалын аныктайт; материалдык ж-а акча м-н камсыз кылууга, мам л. камсыз доого, аскер кызматкерлерине ж-а алардын үй-бүлө мүчөлөрүнө болгон жеңилдик укугун аныктоодо олуттуу мааниге ээ. КРдин куралдуу күчтөрүндөгү А. н-дын тизмеси Ички кызмат уставында келтирилген.

Аскердик даражалары	Аскердик наамдары
Аскерлер	Катардагы жоокер (курсант) Ефрейтор
Сержанттар ж-а стар- шиналар	Кенже сержант Сержант Улук сержант Старшина
Прапорщиктер	Прапорщик Улук прапорщик
Кенже офицерлер	Кенже лейтенант Лейтенант Улук лейтенант Капитан
Улук офицерлер	Майор Подполковник Полковник
Жогорку офицерлер	Генерал-майор Генерал-лейтенант Генерал-полковник