АПСАТАРОВ

Бекбосун Жакшылыкович (14. 3. 1963-ж.т., Ысык-Көл обл., Жети-Өгүз р-ну, Покровка айылы) – милициянын генерал-майору (2021). Мамл. жарандык кызматтын 3-класстагы мамл. кеңешчиси. В. И. Ленин атн. Казак политехникалык ин-тун (1989), Ж. Баласагын атн. КМУну (2010) бүтүргөн. 1989–93-ж. Агадыр геологиялык чалгындоо экспедициясында инженер-технолог, 1993–2009-ж. КРдин Улуттук коопсуздук кызматынын ыкчам-линиялык ж-а аймактык бөлүмдөрүндө коррупцияга ж-а контрабандага каршы күрөштө жетекчи кызматтарда, 2009–10-ж. КР Улуттук коопсуздук мамл. кызматынын Бишкек ш. б-ча башкармалыгынын башчысы, 2012-ж. «Кумтөр Оперейтинг Компани» Жабык акционердик коомунун ишин текшерүү б-ча убактылуу депутаттык комиссиянын жумушчу тобунун жетекчиси, 2020-жылдан КР Улуттук коопсуздук мамл. комитетинин төрагасынын биринчи орун басары – Коррупцияга каршы күрөшүү кызматынын директору. КРдин Улуттук коопсуздук органдарынын отличниги. Медалдар м-н сыйланган.