АНТВЕРПЕН

 А н в е р (фламандча Antwerpen,

фр. Anvers; фламандча аталышы Aen’twert - верфтин жанында) – Бельгиянын түндүгүндөгү шаар. Аты окшош провинциянын адм. борбору. Шельда д-нын ж-а Альберт каналынын боюнда, Түндүк деңиздин жээгине жакын жайгашкан. Калкы 502,6 миң (шаар айланасы м-н 1,2 млн, 2012). Дүйнөдөгү эң ири порттордун бири (2002-ж. 132 млн т жүк ташылган; Европада жүк айлантуу б-ча Роттердамдан кийин 2-орунда). Өлкөнүн ири соода, финансы ж-а башкы өнөр жай борбору. Түрдүү машина куруу (а. и. кеме куруу), түстүү металлургия, нефть ажыратуу, хим., нефть-хим, текстиль, тамак-аш өнөр жайы бар. А. бриллиант сатуунун ж-а алмазды кырдоонун дүйнөлүк борбору. Королдук асем өнөр музейи (мында голл. сүрөтчүлөрдүн чыгармалары да чогултулган); П. П. Рубенстин үймузейи бар. 1920-ж. VII Олимпиадалык оюн өткөрүлгөн. 16-к-дын 2-жарымында мааниси б-ча Европадагы 1-соода ж-а кредит борбору болгон. Стен сепили (16-к-да соңку готика стилинде кайра курулган) сакталган.