АЛА-БАШ

АЛА-БАШ ‒ Ысык-Көл облусунун Тоӊ районундагы кыштак. Ак-Терек айыл аймагына караштуу. Тескей Ала-Тоонун түндүк этегинде, деӊиз деӊгээлинен 2105 м бийиктикте жайгашкан. Райондун борбору Бөкөнбаев кыштагынан 60 км чыгыш тарапта, Балыкчы темир жол бекетинен 111 км. 1880‒1890-жылдары отурукташкан. Калкы 1125 (2009); негизинен дыйканчылыкта, мал чарбасында эмгектенет. Орто мектеп, китепкана, ФАП бар.