АВТОТЕРМЕЛҮҮ

‒ сырткы өзгөрмөлүү күч аракет кылбаса деле кандайдыр бир системадагы басаӊдабоочу термелүү. Анын амплитудасы, жыштыгы, мезгили ошол термелүүчү системанын гана касиеттерине көз каранды болот. «А.» терминин 1928-ж.орус физиги А. А. Андронов

Электр коӊгуроосу: А ‒ балкачалуу пружина; В ‒ электрмагниттин темир жүрөкчөсү; С ‒ ачкыч (коӊгуроонун баскычы); D ‒ батарея; Е ‒ жөндөгүч.

киргизген. Ал принципиалдуу түрдө термелүүнүн башка түрлөрүнөн айырмаланат. Мис., аргасыз термелүүдө бул термелүүлөр болуп турушу үчүн системага сырттан мезгил-мезгили м-н аракет этүүчү күч талап кылынат. А-гө мисал катары сааттын маятнигинин термелүүсү, электр коӊгуроосун ж-а радиотехникалык генератордогу электр термелүүлөрүн караса болот. Термелүү басаӊдабаш үчүн булактан системага берилген энергия анын сарпталган энергиясын толуктап туруусу зарыл. Мындай толуктоо жалпысынан термелүүнүн ар бир толук мезгилинде болуп турат. А-нү пайда кылуучу система энергия булагынан үзгүлтүксүз энергиянын келип турушун жөнгө салуучу түзүлүштөн турат. Мис., саатта маятник ‒ термелүүчү система, пружина ‒ энергиянын булагы, анкер энергиянын маятникке келишин жөндөйт.