АВТОБЕКЕТ
АВТОБЕКЕТ‒ жүргүнчүлөрдү тейлөөчү жана жүк ташуучу унаалар менен камсыз кылуучу автотранспорттук мекеме. Ал жүргүнчүлөрдү жана жүк ташуучу Автобекет болуп бөлүнөт. Жүргүнчүлөр Автобекети ‒ шаар аралык жана шаар айланасындагы автобус катнаштарында жүргүнчүлөрдү тейлөөгө арналган курулуш тутуму (к. Автовокзал). Жүргүнчүлөр Автобекети чакан шаарларда жана райондун борборлорунда, автобустун акыркы токтоочу жеринде курулат. Жүк ташуучу Автобекети ‒ жалпы пайдалануудагы автомбиль транспорт системасында шаар аралык жүк ташуу ишин жүргүзүүчү транспорт уюму. Ал ири шаарлар менен өнөр жай бор-
борунан сыртка кеткен жолдордун чыга беришине, темир жол станциясына (бекетине), деӊиз жана дарыя портторуна жакын курулат. Жүк ташуучу Автобекетинин негизги милдети ‒ жүктү өз убагында ташып жеткирүү; транспорттук-экспедициялык иштерди аткаруу; автомобилдин жүрүү графиктеринин аткарылышын текшерүү жана жүк жөнөтүүчүлөр менен эсептешүү. Кыргызстандын бардык райондорунун борборлорунда жана шаарларында жүргүнчүлөр Автобекети, ири райондордо жүк ташуучу Автобекети бар.