АЛГАЧКЫ СОВЕТТЕР

АЛГАЧКЫ СОВЕТТЕР К ы р г ы з с т а н д а г ы ‒ Февраль рев-ясынан (1917) кийин түзүлө баштаган жумушчу жана солдат депутаттарынын шайланма саясий уюмдары. Социал-демокр. топтор менен бирдикте иштеген. 1917-ж. мартта Кырг-нда Кызыл-Кыя кенчилери алгачкы жумушчу депутаттар советин түзүшүп, төрагалы гына И. И. Едренкин шайланган. 16-мартта сүлүктүлүк кенчилер өзүлөрүнүн жумушчу депутаттар советин уюштурган (жетекчиси ‒ Д. Т. Деканов ). 1917-ж. март айынын ортосунда Пишпек ш-нын жумушчуларынын алгачкы совети түзүлгөн. Негизинен Улуу Октябрь рев-ясына чейин Кызыл-Кыя менен Сүлүктүдөгү алгачкы совет гана большевиктештирилген. Ноябрь айында Сүлүктүдө, декабрда Кызылкыя менен Ошто, 1918-ж. январда‒февралда Пишпекте, май ‒ июнда Караколдо советтердин бийлиги орногон. Советтер элдик бийликтин органы катары иштеп, падыша өкмөтүнүн мурдагы буйруктарын жокко чыгарып, жумушчулардын эмгек акыларын жөнгө салган, 8 сааттык жумуш күнүн киргизип, калкты азык-түлүк менен жабдуу ж. б. экон. маселелерди чечкен.