АКИШЕВ
АКИШЕВ Кемал (23. 5. 1924. Павлодар обл. Барнаул ш. – 10. 8. 2003, Алматы) – археолог, казак археология илимин негиздегендердин бири. Казакстан мамл. сыйл. (1982), Казак ИАсынын Ч. Валиханов атн. сыйл. (1966) лауреаты, Германия Археол. ин‑тунун корр. мүчөсү, Казакстандын илимге эмг. сиң. кызматкери (1989), 1950‑ж. Казак мамл. ун‑тин бүтүргөн соң, Казакстан ИАда аспирант, кенже жана улук ил. кызматкер, профессору. 1955–90‑ж. Ч. Валиханов атн. Тарых, археология жана этнография ин‑тунда археология бөлүмүнүн башчысы болуп иштеген. 1991‑жылдан А. Маргулан атн. археология ин‑тунун бөлүм башчысы, ин-ттун улук ил. кызматкери. 1954‑жылдан Казакстан аймагындагы археол. экспедициялардын уюштуруучусу жана жетекчиси. Байыркы жана о. кылымдарга таандык эстеликтерди, дүйнөлүк мааниси зор Эшик (казакча Есик) коргонунан табылган «Алтын адам» (б. з. ч. 5‑4‑к.), Бешчатыр (б. з. ч. 6‑5‑к.), Отрар ж. б. археол. табылгаларды ачкан жана изилдеген. 220га жакын ил. эмгектин, анын ичинде 14 монографиянын автору. «Древняя культура саков и усуней долины р. Или» (1963), «Древняя культура Центрального Казакстана» (1966), «Древний Отрар» (1970) ж. б. эмгектеринде коло, эрте темир доорундагы мад‑ттардын маанилүү жана негиздүү маселелерин изилдеген. «Парасат» ордени менен сыйланган.