АКАРТ МРАМОР КЕНИ

АКАРТ МРАМОР КЕНИ Ош обл‑нун Ноокат р‑нунда, Жаңы‑Ноокат кыш‑нан 30 км түш­түктө, деңиз деңг. 2700–2880 м бийиктикте.1992‑ж. геол. чалгындоо иштери жүргүзүлгөн. Мрамор ортонку таш көмүр мезгилинде пайда болгон. Өңү ак, көгүш‑ак, ачык‑боз, боз, кесек кристаллдуу, массивдүү, декоративдүү. Физ.-мех. касиеттери: орточо тыгыздыгы 2,70 г/см³, көзө­нөктүүлүгү 0,78%, суу сиңирүүсү 0,08%, кургак абалда баскандагы бектигинин чеги 73,0 МПа, сууга каныккан абалда 67,1 МПа, жешилүүсү 1,62 г/см², суукка чыдамдуулугу 25 цикл. Блок­тордун орточо чыгышы 50%, 1 м³ блоктон 18 м² каптама такталар чыгат. Мрамордун запасы А категориясы б‑ча – 346 миң м³, В –763 миң м³, Cj– 2018 миң м³, А+В+Ц – 1327 миң м³.