АК-БУУРА

АК-БУУРА – Кара‑Суу жана Ноокат р‑нун аймак­тары аркылуу аккан суу, Кара‑Дарыянын сол куймасы. Уз. 136 км, алабынын аянты 2540 км². Алай кырка тоосунун түн. капталынан башта­лып, Ак‑Буура капчыгайы аркылуу агат. Жо­горку агымы Кичи Алай, ортонкусу Турук деп аталат. А.-Б. Ош ш. аркылуу агып өтөт. Куйма­лары: Челкилдек, Кырк‑Кечүү, Талды‑Булак, Кош‑Мойнок (оң), Жиптик‑Суу, Чугам, Талды­-Булак (сол). Апрелде кирип, сентябрда тарты­лат. Жылдык орт. чыгымы 21,4 м³/сек; бай­калган эң көп чыгымы – 331 м³/сек (03. 06. 53), эң азы – 6,25 м³/сек. Негизинен сугатка пайдала­нылат. Ош ш‑н суу менен камсыз кылат. Боюнда Төлөйкөн, Турук, Папан ж. б. кыштактар жайгашкан.