АБДЫРАХМАНОВ Төлөбек

 Төлөбек Абылович (1. 1. 1962-ж.т., Нарын обл., Тянь-Шань р-ну, Куланак айылы) – тарыхчы, тарых илимд. доктору (2011), доцент (2006), тарых ж-а саясат таануу адистиктери б-ча проф. (2014). КРдин Илим ж-а техника жаатындагы Мамл. сыйлыктын лауреаты. КР УИАнын мүчө-корреспонденти (2021). СССРдин 50 жылдыгы атн. КМУнун тарых ф-тин (1987), Кыргыз ССР ИАнын аспирантурасын (1991) бүтүргөн. 1991–92-ж. КМУнун тарых ф-тинде лаборант, 1992–96- ж. окутуучу, 1996–2001-ж. доцент, 1998–2001-ж. Ж. Баласагын атн. КМУУнун "Кыргыз таануу" окуу-илимий борборунун директору, 2001–05-ж. И. Арабаев атн. КМПУнун Окуу-инспекциялык дирекциясынын башчысы, директору, 2005–06-ж. И. Арабаев атн. КМУнун Окуу иштери б-ча департаментинин директору, 2006–10-ж. Гуманитардык билим ин-тунун директору, 2010-жылдан Арабаев атн. КМУнун биринчипроректору, окуу иштери б-ча проректору, ректору. Илим ж-а билим берүү тармагындагы мыкты жетишкендиктери үчүн «ЭКО» (Экономикалык Кызматташтык Уюму) сыйлыгынын лауреаты, Түрк дүйнөсүнүн илим жаатындагы жетишкендиктери үчүн «Эскишехир» сыйлыгынын лауреаты (Түркия). КР Жогорку аттестациялык комиссиясынын (ЖАК) мүчөсү, ЮНЕСКО иштери б-ча КР Улуттук комиссиясынын мүчөсү. 300дөн ашык ил., ил.-теориялык, ил.-методикалык ж-а ил.-популярдуу эмгектердин ( а. и. 16 монография, 15 окуу куралы) автору ж-а авторлош. КР Өкмөтүнүн, КР ЖКнын Ардак грамоталары ж-а медалдар м-н сыйланган.