БАНГЛАДЕШ мамлекетинин тарыхына кошумча.

Анын демилгеси менен 1972-ж. Б-те социалдык-экон. өнүгүү стратегиясы иштелип чыгып, анда экономиканын негизги тармактарын улутташтыруу, мамл. секторду өнүктүрүү жана агрардык реформа программалары камтылган. Жер реформасы жүргүзүлүп, 10 млн качкындын көйгөйү чечилген. Жаңы армия түзүлүп, ачкачылык алдын алынган. Өлкөгө баштапкы билим берүү, саламаттык сактоо ж. б. социалдык маселелерди чечүү б-ча атайын программалар кабыл алынган. О. эле ислам топторунун талабы б-ча спирт ичимдиктерине жана кумар оюндарына тыюу салынган. 1972-жылдын аягында өлкөнүн Конституциясы күчүнө кирип, көп партиялуу система (30дан ашуун саясий партия катышкан) орногон.
1974-ж. жайында өлкөдө болгон суу ташкыны түшүмдүн 80%тин жууп кетип, массалык ачкачылыкка алып келген. Суу ташкынынан 2000 адам өлүп, миллиондогон адамдар жабыркаган. Мунайдын дүйнөлүк баасынын кескин жогорулашынан өлкөдө инфляция күчөгөн. 1975-жылдын аягында өкмөт кулатылып, Муджибур Рахман өлтүрүлгөн. 1976-ж. ноябрда бийлик армияга биротоло өтүп, 1977-ж. апрелде генерал Зияур Рахман өлкөнүн президенти болуп шайланган. 1978-ж. сентябрда З. Рахман башында турган Б. улутчул партиясы түзүлгөн. Муджибур Рахмандын кызы Хасина Вазед жетектеген Авами лигасы партиясы З. Рахмандын режимин кулатуу үчүн күрөшү күчөгөн. 1990-ж. студенттердин демонстрациясы менен оппозициянын кысымынан генерал Эршаддын аскердик өкүлдөрү кызматтан кетүүгө аргасыз болгон. 1991-ж. февралда өткөн шайлоодо президент Рахмандын жесири Халеда Зия Рахман баштаган Б. улутчул партиясы жеңишке ээ болгон. 1991-жылы августта парламенттик башкаруу системасын киргизген. 1996-жылдын июнь айында болгон жаңы шайлоолор Авами лигасын бийликке алып келген. Муджибур Рахмандын солчул-центристтик саясий принциптерин туруктуу колдогон Хасина Вазед 2008-ж. кайрадан жеңишке жетип, бийликке келген. Ал 2014-ж-дагы парламенттик шайлоодо жеңип чыгып, өз бийлигин улантууда.