АНТАНТА

(фр. Entente cordiale – «ыкластуу

макулдук») – Улуу Британия, Франция ж-а падышалык Россиянын Германия башында турган Үчтүктөр союзуна (Германия, Италия, Австрия-Венгрия) ж-а Осмон империясына каршы багытталган союзу; 1891–93-ж. француз-орус, 1904-ж. англис-француз, 1907-ж. англис-орус макулдашууларынын негизинде бекемделген. Союзду бекемдөө үчүн Россия, Англия, Франция 1914-ж. сентябрда Лондондо сепараттык тынчтык түзбөө ж-дөгү келишимге кол коюшкан, 1915-ж. ага Япония кошулган. А. союзу 1914–18-жылдагы 1-дүйнөлүк согуш учурунда германиялык коалицияга каршы 20дан ашуун - АКШ, Англия, Бельгия, Франция, Бразилия, Япония, Гватемала, Гондурас, Грекия, Италия ж. б. мамлекеттерди бириктирген. А-га ж-а Үчтүк союзга кирген негизги мамлекеттер дүйнөнү кайра бөлүштүрүүнүн империалисттик программасын иштеп чыгышкан. Россияда Октябрь революциясы жеңген соң, Совет бийлиги тынчтык ж-дөгү Декретти кабыл алуу ж-а сепараттык Брест тынчтык келишимине кол коюу м-н согуштан чыгып кеткен.