АСТАТ

 (Аstatium), а с т а т и н, At ‒ элемент тердин мезгилдик системасынын VII тобундагы радиоактивдүү хим. элемент, галогендерге кирет. Ат. н. 85, туруктуу изотобу жок, туруктуурагы At210 (Т1/2=54 с). Висмутка a-нурун таасир этүүдөн радиоактивдүү изотоптору алынат. Биринчи жолу 1940-ж. Э. Сегре, Т. Корсон, У. Мак-Кензи 211At изотобун алган. A. ‒ катуу зат, б. эрүү t 244°С, кайноо t 309°С. Хим. касиеттери жагынан полонийге, йодго да окшош, б. а. металлдык ж-а металлоиддик касиетке ээ. Галогендер сыяктуу эрибеген тузу AgAt ж-а йод сыяктуу AgIO3 беш валенттүү абалга AgAtO3 чейин кычкылданат. Вакуумда ж-а кадимки шартта оӊой бууланат. А. электролизде катодго тартылат. Металлдарга (Ag, Au, Pt) жакшы сиӊет. Бул касиети аны таза түрүндө бөлүп алууга мүмкүндүк берет.