АРАМЕЙ ЖАЗУУСУ

– б. з. ч. 9-к-да семит урууларынын бири – арамейлер чыгарган алфавит-

тик жазуу. Финикия жазуусунун негизинде пайда болуп, үнсүз тыбыштар гана берилген. А. ж.
к-дын аяк ченинен баштап Ассирияда кеңири колдонулган, 6-4-к-да Кичи Азиядан Индияга чейин тараган. Байыркы эстеликтери б. з. ч. 9-8- к-га таандык. А. ж-нан сирия, несториан, еврей, араб, пехлеви, байыркы уйгур, байыркы монгол ж. б. жазуулары келип чыккан.